Shqipëria po vijon me ritëm të lartë përgatitjet për sfidën e rëndësishme kundër Finlandës.
Në drejtimin e trajnerit Rolando Maran, futbollistët zhvilluan seancën e radhës në ambientet e “Shtëpisë së Futbollit”. Grupi është i plotë, përveç Arbër Hoxhës dhe Kristjan Shpendit, të cilët po stërviten veçmas, ndërsa stafi mjekësor po monitoron gjendjen e tyre.
Të lidhura
None found
Maran thuajse e ka vendosur planin taktik dhe formacionin titullar për ndeshjen që do të luhet të enjten në mbrëmje në “Air Albania”.
Etrit Berisha pritet të jetë në portë, me Mario Mitajn, Berat Gjimshitin dhe Ardian Ismajlin në treshen e mbrojtjes.
Në mesfushë, Elseid Hysaj dhe Stavro Pilo do të luajnë në krahë, ndërsa Kristjan Asllani e Ylber Ramadani do të formojnë dyshen qendrore.
Rey Manaj do të udhëheqë sulmin, i mbështetur nga Ernest Muçi në të majtë dhe Qazim Laçi në të djathtë.
