Pesë persona humbën jetën dhe rreth 10 të tjerë mbetën të plagosur nga të shtënat me armë zjarri në Sheshin Kryesor të Tregut, në qytetin polak të Krakovës. Në mesin e të plagosurve ka edhe punonjës policie.
Policia e Małopolska-s njoftoi se sulmi ndodhi rreth orës 15:00, kur një person hyri me automjet në shesh dhe hapi zjarr ndaj kalimtarëve të rastësishëm.
Të lidhura
None found
Efektivët që ndërhynë e qëlluan autorin e dyshuar, i cili më pas u dërgua në spital.
BBC raportoi se në vendngjarje mbërritën menjëherë forca të shumta policore dhe ekipe të emergjencës. Ato u angazhuan për t’u dhënë ndihmë të plagosurve dhe për të vendosur zonën nën siguri.
Përmes një njoftimi në rrjetet sociale, Bashkia e Krakovës konfirmoi Sheshin Kryesor të Tregut si vendin ku u regjistruan të shtënat. Bashkia njoftoi gjithashtu se një operacion policor po zhvillohet edhe në rrugën Dietla.
Banorëve dhe qytetarëve u është kërkuar nga autoritetet të qëndrojnë larg zonës derisa të përfundojë operacioni i policisë.
Puna hetimore po vijon për të sqaruar tërësisht rrethanat e ngjarjes dhe për të përcaktuar motivet e autorit.
