Drilon Cakoli, vëllai i Erona Cakolit, foli në protestën e mbajtur në Prishtinë për të kërkuar drejtësi për gratë e vrara dhe përgjegjësi nga institucionet. Ai tha se familja nuk është e kënaqur me dënimin prej 24 vjetësh burg për vrasjen e motrës së tij.
Sipas Cakolit, asnjë dënim nuk mund ta sjellë Eronën përsëri, por jeta e saj meriton drejtësi dhe dhimbja e familjes duhet të dëgjohet. Ai kërkoi që drejtësia të vihet në vend dhe rasti i saj të trajtohet me seriozitetin që meriton.
Të lidhura
None found
Ai kujtoi se pas çdo viktime mbetet një familje, fëmijë që vuajnë, ëndrra të ndërprera dhe një dhimbje që zgjat gjithë jetën.
Protesta e sotme vijon mobilizimet qytetare pas vrasjes së Arlinda Zekajt. Pjesëmarrësit kërkojnë që institucionet të sigurojnë mbrojtje efektive për gratë dhe vajzat në Kosovë.
