Episodi i radhës i podcastit “Arena e Yjeve” sjell si të ftuar ish-futbollistin kosovar Ahmet Haliti, i cili ndan rrëfime nga karriera e tij dhe flet për angazhimin e ri në futboll si ndihmës trajner te Ballkani. Ky episod është realizuar me mbështetjen e sponsorit zyrtar Exfis.
Gjatë bisedës, Haliti u ndal te vitet kur ishte pjesë e Hysit, duke kujtuar veçanërisht trofeun e parë të fituar me klubin, Kupën e Kosovës.
Të lidhura
None found
Ai tregoi se triumfi, që sipas kujtesës së tij i përket vitit 2009, ishte një përjetim i veçantë, pasi skuadra ishte shumë e re dhe ai vetë ishte në moshë të re. Haliti theksoi se një formacion kaq i ri mund të ketë qenë risi për atë kohë, ndonëse nuk e kujton nëse diçka e tillë ka ndodhur më pas.
Ish-futbollisti vlerësoi nivelin e skuadrës së Hysit, duke e cilësuar atë si një ekip të jashtëzakonshëm. Ai shtoi se periudha 5-6-vjeçare te ky klub i ka lënë kujtime shumë të bukura dhe se gjithmonë është ndier si në shtëpinë e tij.
Episodi i plotë me Ahmet Halitin është i disponueshëm në kanalin zyrtar të Telegrafit në YouTube.//
