Ministri i Jashtëm i Rusisë, Sergei Lavrov, ka mbërritur në Shtetet e Bashkuara të Amerikës për të marrë pjesë në takimin e ministrave të Jashtëm të vendeve të G20.
Udhëtimi zhvillohet në një periudhë tensionesh mes Moskës dhe Perëndimit. Gjatë bisedimeve, Lavrov pritet të ngrejë çështjen e sanksioneve të vendosura ndaj Rusisë.
Të lidhura
None found
Qeveria ruse njoftoi të enjten se ministri synon t’u kërkojë homologëve ndërkombëtarë lehtësimin e masave kufizuese ndaj vendit të tij. Takimi i ministrave është pjesë e përgatitjeve për samitin e liderëve të G20, që do të mbahet më 14 dhe 15 dhjetor në Miami të Shteteve të Bashkuara.
Mbledhja do të ofrojë mundësinë për të diskutuar çështjet kryesore të agjendës ndërkombëtare, si edhe sfidat ekonomike dhe politike me të cilat përballen vendet anëtare.
