Përllogaritjet paraprake të zgjedhjeve parlamentare të mbajtura të dielën, më 25 tetor, tregojnë se Koalicioni Shqiptar mund të fitojë dy mandate në Parlamentin e Serbisë.
Nëse konfirmohen këto rezultate, Shaip Kamberi dhe Visar Mehmeti do të përfaqësojnë shqiptarët e Luginës së Preshevës në Kuvendin serb.
Të lidhura
None found
Subjektet politike shqiptare nga Presheva, Bujanoci dhe Medvegja u bashkuan në listën e përbashkët “Koalicioni Shqiptar”, e cila ishte me numrin 17 në fletëvotim.
Me këtë bashkëpunim, partitë synuan të shtonin përfaqësimin shqiptar në Parlamentin e Serbisë. Deri tani, Shaip Kamberi ishte përfaqësuesi i vetëm shqiptar në atë institucion.
Shifrat janë ende paraprake. Ndarja përfundimtare e mandateve do të bëhet e ditur pasi të mbyllet numërimi dhe të certifikohen rezultatet zgjedhore.
