Gjilani dhe Llapi u ndanë në barazim 1-1 në ndeshjen e javës së 11-të të Superligës së Kosovës.
Pas një pjese të parë pa gola, Gjilani kaloi në epërsi në minutën e 69-të. Ardian Limani shënoi për ta çuar rezultatin në 1-0.
Të lidhura
None found
Llapi nuk u dorëzua dhe arriti ta barazonte takimin në minutën e 88-të, me golin e Arbnor Aliut. Kështu, vendasit nuk arritën ta mbanin avantazhin deri në fund.
Takimi ishte debutimi i Zekirija Ramadanit në stolin e Gjilanit, por skuadra e tij nuk e shoqëroi këtë rast me fitore para tifozëve.
Për Llapin, barazimi nuk e ndërpret ecurinë pa fitore në kampionat, e cila tashmë ka arritur në gjashtë ndeshje radhazi.
Gjilani mban vendin e tretë me 18 pikë, ndërsa Llapi renditet i nënti, në pozitën e parafundit, me pesë pikë.
