Sipas ish-sulmuesit të Liverpoolit, Djibril Cisse, skuadra e Reds nuk duhet ta braktisë ëndrrën për të ngritur trofeun e Premier Ligës këtë sezon. Francezi madje paralajmëron se Brighton mund të shfaqet si një surprizë e madhe në luftën për titull.
Ekipi i drejtuar nga Andoni Iraola ka arritur tri fitore radhazi në të gjitha kompeticionet dhe është ngjitur në pozitën e pestë të renditjes, pas një suksesi të vuajtur 2-1 kundër Brentfordit.
Të lidhura
None found
“Besoj se sivjet kemi një mundësi konkrete për ta fituar Premier Ligën, krahas Arsenalit dhe Manchester Cityt”, deklaroi Cisse në një prononcim të tij.
Ish-reprezentuesi francez e krahasoi nisjen e shkëlqyer të Brighton me atë të Leicester Cityt në sezonin historik 2015-16, duke theksuar se “Pulëbardhat” mund të kthehen në kundërshtarë të vërtetë për titullin nëse arrijnë ta mposhtin Liverpoolin.
Në vijim, Cisse shprehu besimin se Florian Wirtz do ta gjejë sërish formën e tij më të mirë, duke e cilësuar gjermanin si një “futbollist fantastik”, talenti i të cilit vazhdon të jetë thelbësor për Liverpoolin.
