Landon, 19 vjeç, dhe Skyler, 14 vjeç, janë njëkohësisht gjysmëvëllezër dhe kushërinj. Nëna e tyre, Kimberly, e pati Landonin me ish-bashkëshortin, ndërsa Skylerin me Ismaelin, vëllain e tij binjak.
Kimberly u martua në moshën 18-vjeçare dhe atëherë mbeti shtatzënë për herë të parë. Martesa nisi të kalonte vështirësi dhe Ismaeli, me kalimin e kohës, u bë një mik i afërt që i qëndronte pranë.
Të lidhura
None found
Sipas Kimberlyt, një çast mes tyre shënoi kthesën dhe solli lindjen e ndjenjave romantike. Kur ajo mbeti shtatzënë me Skylerin, ishte ende e martuar. Ajo dhe Ismaeli e fshehën lidhjen dhe atësinë e fëmijës, deri kur e vërteta u zbulua.
Kimberly tregon se pas kësaj familjarët e mohuan dhe e detyruan të largohej. Ajo dhe Ismaeli u vendosën më vonë në Minesota, ku nisën jetën së bashku si familje.
Kimberly dhe Ismaeli u martuan në vitin 2016. Landonit, djalit të saj të madh, iu desh kohë që ta quante Ismaelin “baba”, por në fund e pranoi atë në këtë rol.
Çifti merr edhe komente fyese në internet për ndryshimin në gjatësinë e tyre: Ismaeli është rreth 1.50 metra, ndërsa Kimberly rreth 1.70 metra. Ata thonë se këto komente nuk e dëmtojnë marrëdhënien dhe se janë të lumtur me familjen që kanë ndërtuar.
