Detaje të reja kanë dalë nga vrasja e 46-vjeçarit Ismet Habili, i cili u gjet i pajetë në makinën e tij, në zonën pranë “Vasil Shantos” në Tiranë. Bëhet me dije se pak para atenatit, viktima kishte telefonuar bashkëshorten.
Në vëmendje janë edhe disa probleme familjare që dyshohet se kanë qenë të pranishme në jetën e të ndjerit. Grupi hetimor po punon për sigurimin dhe këqyrjen e pamjeve të kamerave të sigurisë në zonën ku ndodhi vrasja.
Të lidhura
None found
Në një lidhje të drejtpërdrejtë, gazetarja Xhensila Kodra dha detaje për ngjarjen e rëndë në Tiranë, ku një person u gjet pa shenja jete brenda automjetit të tij.
Sipas Kodrës, rrethanat mbeten të paqarta dhe ende nuk është përcaktuar nëse bëhet fjalë për vrasje apo vetëvrasje. Hetuesit nuk e kanë hapur ende derën e makinës ku ndodhet viktima.
Dyshimet paraprake janë se është përdorur një armë me silenciator.
Xhensila Kodra tha se viktima, Ismet Habili, humbi kontrollin e automjetit dhe u përplas me bordurën e një pallati. Ajo shtoi se ai nuk njihej si person problematik për policinë.
Ngjarja ndodhi në zonën e 1 Majit. Policia u njoftua nga një qytetar, i cili kishte vënë re një makinë të dëmtuar. Për momentin nuk dihet nëse kemi të bëjmë me vrasje apo vetëvrasje, pasi autoritetet nuk e kanë hapur ende derën e automjetit.
Viktima u gjet brenda makinës së tij, i qëlluar me plumb në gojë. Për rastin po kryhen veprimet hetimore.
Ngjarja ka ndodhur në një zonë që është e rrethuar me kamera sigurie për shkak të pranisë së bizneseve private. Ende nuk është e qartë se çfarë përfaqëson viktima, nëse ka ose jo të shkuar kriminale, ndërsa po shqyrtohet dhe itinerari i lëvizjes së tij. Në vendin e ngjarjes ndodhet grupi hetimor që po punon për zbardhjen e rrethanave të rastit.
