Përshkallëzohet protesta, hapet dera e Kryesisë së Kuvendit dhe ndizet zjarr në hyrje; policia përdor gaz lotsjellës

Protestuesit kanë çarë derën e Kryesisë së Kuvendit, ndërsa në hyrje të godinës është ndezur një zjarr.

Situata është tensionuar më tej, pasi policia ka hedhur në mënyrë masive gaz lotsjellës dhe ka përdorur bombola shpërthyese për të larguar protestuesit.

Studentët, megjithatë, nuk janë tërhequr. Ata vijojnë qëndresën të organizuar dhe të bashkuar në rrugët e kryeqytetit, pavarësisht ndërhyrjes së forcave të rendit.