Ministria e Punëve të Brendshme ka bërë të ditur se ndaj një zyrtari policor është ngritur kallëzim penal për veprën penale “Shkaktim i rrezikut të përgjithshëm”, të parashikuar në nenin 288 të Kodit Penal.
Të lidhura
None found
Departamenti për Kontroll të Brendshëm, Hetime Kriminalistike dhe Standarde Profesionale pranë MPB-së e ka dorëzuar kallëzimin në Prokurorinë Themelore Publike kompetente në Kumanovë ndaj M.N.
Sipas njoftimit, zyrtari, i cili është i punësuar në Departamentin për Operacione Speciale Policore pranë MPB-së, më 01.08.2026, jashtë orarit zyrtar të punës, ka përdorur pistoletën e shërbimit në dy raste. Ai dyshohet se ka shtënë disa herë në ajër, fillimisht para një objekti hotelierik dhe më pas në sheshin e Kratovës.
MPB-ja njofton gjithashtu se Departamenti për Kontroll të Brendshëm do të propozojë nisjen e procedurës për përcaktimin e përgjegjësisë lidhur me shkeljen e rendit dhe disiplinës në punë. Deri në përfundimin e procedurës disiplinore, ndaj zyrtarit pritet të merret masa e pezullimit, përkatësisht largimi i përkohshëm nga vendi i punës./Telegrafi/
