I ftuar në emisionin “Review” të moderuar nga Greta Topjana, eksperti i gjyqësorit Gerti Shella foli për masën e arrestit ndaj ish-drejtoreshës së SHISH, Vlora Hyseni, ndërsa ndau edhe një informacion të pakonfirmuar mbi dorëheqjen e saj.
Shella sqaroi se nuk mund të garantojë vërtetësinë e këtij versioni, pasi bëhet fjalë për të dhëna që janë përhapur gjatë ditëve të fundit.
Të lidhura
None found
Sipas tij, Vlora Hyseni mund ta kishte parashikuar zhvillimin e situatës dhe kishte shkuar në zyrën e tij për të kërkuar leje që të largohej përmes dorëheqjes. “Informacionet që kemi mbledhur këto ditë thonë se ajo vetë priste që të ndodhte diçka e tillë dhe, me një gjysmë dinjiteti, është paraqitur në zyrën e tij për t’i kërkuar dorëheqjen, pra për t’u lejuar që të tërhiqej me dorëheqje. Me sa kemi kuptuar, kjo nuk është pranuar. Flitet që ajo ka shkuar të japë dorëheqjen dhe ky i ka thënë: ‘Mos e jep dorëheqjen’. Nuk e di sa e vërtetë është kjo, por janë informacione që qarkullojnë këto ditë. Sot ky e ka lëshuar Vlorën Hysenin”, deklaroi Shella.
