Protesta qytetare ka arritur sot në ditën e 120-të të saj. Qytetarët janë mbledhur në sheshin “Skënderbej”, prej nga pritet të nisin marshimin përgjatë bulevardit në drejtim të Kryeministrisë.
Në përfundim të marshimit, përpara godinës së ekzekutivit do të mbahen fjalime ku do të artikulohen shqetësimet dhe kundërshtimet ndaj politikave qeverisëse.
Të lidhura
None found
Mes kërkesave kryesore të protestuesve është dorëheqja e Edi Ramës. Platforma e tyre parashikon edhe ngritjen e një qeverie tranzitore me mandat 12-mujor, e ngarkuar me përgatitjen e vendit për zgjedhjet e ardhshme.
Protestuesit kërkojnë po ashtu anulimin e disa nismave ligjore, të cilat, sipas tyre, cenojnë interesat e qytetarëve shqiptarë.
Organizatorët kanë bërë të ditur se tubimet do të vijojnë edhe gjatë ditëve të ardhshme dhe se lëvizja nuk do të ndalet pa u përmbushur kërkesat e saj.
