Studentët së shpejti mund ta përdorin transportin publik falas përmes një karte digjitale. Sipas Ljupço Risteskit nga Qyteti i Shkupit, përgatitjet për aplikimin e këtij sistemi janë drejt përfundimit, falë angazhimit të Kryetarit të Qytetit të Shkupit dhe drejtuesve të Shërbimit të Transportit Publik.
Të lidhura
None found
Me aktivizimin e kartës së re, studentët nuk do të kenë më nevojë të paraqiten në fakultet për konfirmim, të presin në radhë pranë sporteleve të Shërbimit të Transportit Publik apo të mbajnë dokumente në format letre, deklaroi Ristevski.
Ai e cilësoi këtë një ndryshim të kërkuar prej kohësh nga studentët, duke theksuar se nevoja për një zgjidhje të tillë është e arsyeshme.
Sipas tij, qyteti ka marrë parasysh shqetësimet e studentëve dhe po i jep zgjidhje një procedure administrative që për vite u ka konsumuar kohë dhe energji. Ristevski nënvizoi se këtë e kupton çdo student që është detyruar të presë fillimisht për konfirmimin dhe më pas për validimin e kartës, veçanërisht në nisje të vitit akademik, kur krahas leksioneve dhe ushtrimeve duhet të përmbushen edhe detyrime të tjera universitare.
Studentët do të informohen me kohë për datën e nisjes së aplikimit dhe mënyrën e aktivizimit të kartës digjitale. UMS-ja ka bërë të ditur se do të vijojë të ngrejë çështje me rëndësi për të rinjtë në Shkup, të mbështesë nismat e tyre dhe të ndjekë nga afër zbatimin e ndryshimit, duke përcjellë edhe sugjerimet e komentet e studentëve.
