Pas analizimit të ADN-së së mbetjeve mortore të nxjerra nga varrezat masive në veri të Kosovës, janë identifikuar tri viktima, bëri të ditur të shtunën kryeministri i Kosovës, Albin Kurti.
Të lidhura
None found
Sipas Kurtit, familjarët janë informuar për identitetin e viktimave, ndërsa ende po priten rezultate të tjera nga mostrat e dërguara për analizë.
Ministri i Brendshëm, Xhelal Sveçla, deklaroi se sqarimi i fatit të secilit person të zhdukur me dhunë përbën një përparësi shtetërore dhe një obligim njerëzor.
“Për Republikën e Kosovës, zbardhja e fatit të çdo personi të zhdukur me dhunë është prioritet shtetëror dhe detyrim njerëzor, i cili vazhdon të mbetet i hapur për aq kohë sa edhe një familje e vetme është në pritje të përgjigjeve”, shkroi ai.
