TAV Maqedonia ka shfuqizuar masën që lejonte vetëm një hyrje falas të një automjeti brenda 24 orëve në zonën “Hug & Fly” të Aeroportit Ndërkombëtar të Shkupit.
Të lidhura
None found
Vendimi u anulua pasi Komisioni për Vendimmarrje në Procedurë Kundërvajtëse pranë Komisionit për Mbrojtjen e Konkurrencës shqyrtoi kushtet dhe mënyrën e shfrytëzimit të kësaj zone dhe i kërkoi TAV Maqedonisë sqarime, si dhe informacione shtesë për kufizimin.
Sipas Komisionit, TAV Maqedonia e ka informuar atë se masa në fjalë është tërhequr.
Komisioni e ka vlerësuar pozitivisht këtë hap dhe ka bërë të ditur se do të vijojë të ndjekë situatën dhe rregullat e qasjes në infrastrukturën aeroportuale, me synimin për të garantuar trajtim të barabartë dhe jodiskriminues për të gjithë pjesëmarrësit në treg.
Institucioni nënvizon se do të vazhdojë angazhimin për mbrojtjen e konkurrencës dhe do të ndërhyjë brenda kompetencave ligjore sa herë që ekziston rreziku që kushte ose masa të caktuara të cenojnë konkurrencën dhe interesat e qytetarëve.
