Sali Murati, deputet i Frontit Evropian, pret që aktgjykimet e shqiptuara ndaj ish-presidentit të Kosovës, Hashim Thaçi, dhe bashkëpunëtorëve të tij më të afërt të kundërshtohen përmes ankesës, përcjell “TV21”.
Të lidhura
None found
Sipas Muratit, vendimi është marrë në shkallën e parë dhe ende nuk ka marrë formë të prerë. Ai theksoi se, siç kanë paralajmëruar ekspertët e së drejtës, mundësia për ta ankimuar mbetet e hapur.
Deputeti deklaroi se, në funksion të respektimit të sundimit të ligjit, sigurisë juridike dhe të drejtës për një proces të drejtë e të paanshëm, ekziston besimi se pretendimet e përfshira në aktgjykim do të rivlerësohen.
Murati sqaroi se atje nuk funksionon një gjykatë e shkallës së dytë, por është Këshilli i Apelit ai që shqyrton dhe vendos për ankesat. Ai shtoi se aktualisht dihen vetëm dënimet, ndërsa përmbajtja e plotë e aktgjykimit ende nuk është bërë e njohur.
“Besojmë se pretendimet nga aktgjykimi do të vlerësohen dhe shqyrtohen edhe një herë nga Këshilli i Apelit, nën dritën e drejtësisë, proporcionalitetit dhe fakteve historike”, tha Murati.
