Pas shpalljes së dënimeve ndaj ish-krerëve të UÇK-së në Hagë, qytetarë shqiptarë janë mbledhur në Prishtinë dhe në Hagë, duke kundërshtuar vendimin e Dhomave të Specializuara, që i dënoi ata me 81 vite heqje lirie.
Në Prishtinë dhe në qytete të tjera janë zhvilluar tubime në mbështetje të Hashim Thaçit, Kadri Veselit, Rexhep Selimit dhe Jakup Krasniqit.
Të lidhura
None found
Edhe në Hagë, mbështetës të ish-krerëve të UÇK-së janë mbledhur pranë institucioneve të drejtësisë, ku kanë shprehur kundërshtimin e tyre ndaj aktgjykimit.
Ndërkohë në disa pamje shihen që qytetarët shqiptarë hipin mbi makinat e policisë.
Ish-presidenti i Kosovës, Hashim Thaçi, është shpallur fajtor për krime lufte dhe është dënuar me 25 vjet burgim nga Dhomat e Specializuara në Hagë. Jakup Krasniqi është dënuar po ashtu me 25 vjet, për disa vepra të krimeve të luftës; Kadri Veseli me 18 dhe Rexhep Selimi me 13 vjet heqje lirie.
