Sivasspor ka dalë nga përballja me Muglaspor me ndjesinë se është dëmtuar, pasi sfida e javës së shtatë të Ligës së Parë Turke përfundoi në barazim 1-1.
Klubi turk ka reaguar ashpër përmes rrjeteve sociale, duke publikuar disa episode të ndeshjes që, sipas tij, krijuan polemika të forta. Sivasspor kërkon drejtësi dhe jo privilegje, duke kundërshtuar vendimet e marra gjatë takimit.
Të lidhura
None found
Një nga rastet kryesore lidhet me golin e Rey Manajt, i cili u anulua pasi arbitri vlerësoi se sulmuesi kishte kryer faul në sulm pas një kontakti në zonë.
Klubi pretendon gjithashtu se një ndërhyrje ndaj një lojtari të Sivasspor nuk u ndëshkua, pavarësisht se pamjet tregojnë qartë vendosjen e gjurit mbi shpinën e tij.
Një tjetër episod i evidentuar nga kamerat e stadiumit është kapja prej fanellës e futbollistit të Sivasspor nga një lojtar i Muglaspor. Tërheqja nuk u konsiderua e mjaftueshme nga arbitri për të ndërhyrë, edhe pse pretendimet e klubit vendas ishin të hapura.
Rasti i fundit ka të bëjë me një prekje të topit me dorë, ku protagonist ishte sulmuesi i Shqipërisë, Manaj. Futbollistët e Sivasspor kërkuan 11-metërsh, por edhe ky vendim nuk u dha nga arbitri.
