Partizani i Florin Bratus ka grumbulluar vetëm 4 pikë pas 4 javësh kampionat, ndërsa në derbin e djeshëm ndaj Dinamos u mposht me rezultatin 2 – 4. Përveç ecurisë së paqëndrueshme, “Demat e Kuq” po përballen edhe me probleme të dukshme në repartin difensiv.
Të lidhura
None found
Pa u zhvilluar ende ndeshja Elbasani – Egnatia, Partizani renditet si skuadra me mbrojtjen e dytë më të dobët në Superiore pas 4 javësh, me 8 gola të pësuar.
Pas humbjes ndaj Dinamos, në postimin e klubit të kuq në rrjetet sociale spikati reagimi i tifozëve, të cilët i kërkojnë presidencës të ndërhyjë në merkato për të përforcuar mbrojtjen.
“Mbrojtja ka nevojë për përmirësim. 8 gola në 4 ndeshje s’ësht shenjë e mirë”, shkruajnë mbështetësit e Partizanit.
Ndeshja e ardhshme e skuadrës kryeqytetase do të luhet më 20 shtator në transfertë ndaj Egnatias. Nëse ritmi aktual vazhdon, Partizani rrezikon ndjeshëm ecurinë e mëtejshme dhe fatet e sezonit.
