24 zjarre janë shuar plotësisht gjatë këtyre orëve të fundit, njofton Qendra për Menaxhimin e Krizave.
Të lidhura
None found
Sipas raportit të përditësuar deri në orën 07:30, janë regjistruar gjithsej 31 zjarre në hapësira të hapura. Prej tyre, tre vatra janë ende aktive dhe katër të tjera mbahen nën kontroll nga forcat e ndërhyrjes.
Zjarret aktivë po vijojnë në afërsi të fshatit Belicë në komunën e Makedonski Brod, pranë fshatit Brest në komunën e Çuçer Sandevos dhe te fshati Aldinci, i cili shtrihet në territorin e komunave Krushevë dhe Krivogashtan.
Për zjarret që janë vënë nën kontroll, autoritetet tregojnë se ato ndodhen pranë fshatit Tajmishte në komunën e Kërçovës, në deponinë e qytetit të Delçevës, afër fshatit Kopanicë në komunën e Sarajit dhe në shtrirjen që lidh fshatrat Burinec, Lokov, Selce dhe Elevci, në kuadër të komunës së Strugës.
