Kuvendi rikthen sot në rend dite zgjedhjen e nënkryetarëve

Seanca konstituive e Kuvendit të Kosovës do të vijojë sot, më 11 shtator, me zgjedhjen e nënkryetarëve të Kuvendit si pikën e vetme të rendit të ditës.

Sipas njoftimit zyrtar, mbledhja do të zhvillohet të premten, në orën 14:00, në sallën e seancave.

Rendi i ditës përfshin vetëm pikën e katërt: zgjedhjen e nënkryetarëve të Kuvendit.

Ky është vazhdimi i seancës së ndërprerë pas përplasjeve të mëhershme në Kuvend lidhur me procedurën për zgjedhjen e nënkryetarëve.