Kosova pranë afrimit të talentit të Shqipërisë që po shkëlqen në Gjermani, zbulohet prapaskena

Enis Rexhepi, sulmuesi i Shqipërisë U19, është shumë pranë kalimit te përfaqësuesja e Kosovës. Lajmi i bujshëm është raportuar nga “AlbanianScout”.

Megjithëse aktualisht aktivizohet me Kombëtaren shqiptare të moshave, Kosova, sipas këtij raportimi, ka kontaktuar 18-vjeçarin dhe e ka bindur që të veshë fanellën e “Dardanëve”.

Futbollisti me origjinë nga Lugina e Preshevës ka të drejtën të zgjedhë Kosovën. Rexhepi e ka nisur në mënyrë të shkëlqyer sezonin e ri me Stuttgart U19, duke realizuar 12 gola në 7 ndeshje dhe duke tërhequr vëmendjen e mediave gjermane e më gjerë.