Si çdo vit tjetër edhe këtë fundjavë është mbajtur eventi i veçantë “Mis Bjeshka”, i njohur ndryshe si aktiviteti kulturor i xhubletave.
Vajza më e bukur e Bjeshkëve e cila ka arritur të “rrëmbejë” çmimin ka qenë Luljeta Dekaj nga Hoti.
Ky është një event i cili mbahet çdo vit që prej vitit 1998 në fshatin Lepushë të Kelmendit në vendin e quajtur Qafa e Predelecit, ku mblidhen të gjitha zonat e Veriut.
Në këtë aktivitet, vajzat e Kelmendit konkurrojnë për të qenë më e bukura e Bjeshkëve, për të fituar kurorën “Miss Bjeshka”.
