“Trepça” merr sërish në administrim një pronë në Mitrovicën e Veriut

Ndërmarrja Publike “Trepça” ka rimarrë nën administrim një pronë në Mitrovicën e Veriut, e cila deri më tani përdorej nga një kafiteri.

Rikthimi i kësaj prone është pjesë e përpjekjeve për të administruar dhe kontrolluar asetet e “Trepçës” në komunat veriore të Kosovës.

Hapat për kthimin e pronave në posedim dhe menaxhim të ndërmarrjes kanë nisur edhe më herët.

Sipas të dhënave të bëra publike më parë, në Mitrovicën e Veriut janë rikthyer dhjetëra parcela gjatë këtij procesi.

“Trepça” ka bërë të ditur se këto veprime synojnë ruajtjen dhe administrimin e aseteve të saj.