Reagimi i çuditshëm i Vuçiç kur Trump përmend zhvendosjen e ambasadës serbe në Jerusalem (VIDEO)

Reagimi i çuditshëm i Vuçiç kur Trump përmend zhvendosjen e ambasadës serbe në Jerusalem

Një video e presidentit serb, Aleksandar Vuçiq, gjatë momentin të fjalimit të presidentit të Shteteve të Bashkuara të Amerikës, Donald Trump, në ceremoninë e nënshkrimit të marrëveshjes ekonomike mes Kosovës dhe Serbisë, është bërë virale në rrjetin social Twitter.

Në momentin kur Trump përmend se Serbia do të vendosë ambasadën në Jerusalem, shihet Vuçiq teksa shikon edhe njëherë dokumentin që ka para vetes.

Shumë përdorues të rrjetit social Twitter kanë shpërndarë këtë video, duke shkruar se ka mundësi që Vuçiq e ka nënshkruar marrëveshjen pa e ditur se çfarë përmbante ajo.

“Momenti kur presidenti serb, Vuçiq e kupton se marrëveshja që sapo e nënshkroi (si duket pa e lexuar) thotë se vendi i tij duhet ta vendos ambasadën në Jerusalem të Izraelit”, shkruan një përdorues në Twitter.


Shtuar 5.09.2020 18:14