Mesfushori brazilian i Barcelonës Arthur është një nga më të kërkuarit në këtë merkato verore, pasi fillimisht ishte Interi që u kërkoi katalanëve përfshirjen e tij në marrëveshjen për transferimin e Lautaro Martinez dhe së fundi është Tottenham që i është bashkuar garës.
Klubi londinez ka nisur negociatat me Barcelonën dhe ka ofruar fillimisht 50 milionë euro për kartonin e brazilianit, që shihet nga Mourinho si futbollisti ideal për të marrë përsipër organizimin e lojës së skuadrës.
Megjithatë pretendimet e Barcelonës janë më të larta për mesfushorin, që me Quique Setien ka gjetur pak hapësira në formacion, ndaj po mendon seriozisht largimin nga “Camp Nou” për të luajtur rregullisht.
