Ultrasit e Tiranës “Fanatics” duan të bëjnë gjithçka që skuadra e tyre e zemrës t’ia arrijë të eliminojë Crvena Zvezdën në raundin e dytë të Ligës së Kampioneve. Mbrëmjen e djeshme, një pjesë e tyre ndezën fishekzjarre në afërsi të hotelit ku është akomoduar skuadra serbe.
Ngjarjen e kanë përcjellë vetë “Fanatics”-at në faqen e tyre zyrtare duke ironizuar me fjalinë “Time to wake up!” (Koha për t’u zgjuar!).
Pavarësisht se sfida do të luhet pa praninë e tifozëve, është e vështirë që të frenohen emocionet e këtij takimi.
