Lazio raportohet se është në bisedime me mesfushorin e Manchester Cityt, David Silvën, i cili është tashmë një lojtar i lirë.
“AS” pretendon se Silva ka ngrënë një darkë me drejtorin sportiv të Lazios, Igli Taren.
34-vjeçarit i skadoi kontrata dhe vendosi të largohej pas 10 viteve te Manchester City.
Mesfushori spanjoll shënoi 6 gola dhe dhuroi 11 asiste në 38 ndeshje këtë sezon me ekipin anglez.
Silva ka qenë i lidhur me shumë skuadra në Dubai, në Amerikë me Inter Majemin e Bekamit që kërkonte shërbimet e tij apo me një rikthim në Spanjë ku interes kishte shfaqur Valencia.
Gjithsesi, ajo që e avantazhon Lazion në krahasim me ekipet e tjera është se i mundëson Silvës të luajë në Ligën e Kampionëve.
