Ndeshjet në Ligën e Parë Futbollistike të Maqedonisë me rekomandim të qeverisë së Maqedonisë dhe vendim të Federatës së Futbollit të Maqedonisë, u zhvilluan pa prezencën e tifozëve.
Mirëpo këta të fundit arritën që të gjëjnë mënyrën se si t’i japin përkrahjen e tyre për skuadrat e tyre. Në këtë drejtim veçohen tifozët e skuadrës së FC Shkupit dhe Shkëndijës, ose “Shvercerat” dhe “Ballistët” që ishin sërisht në afërsi të stadiumit për ti dhënë përkrahje skuadrave të tyre të zemrës.
Derisa “Shvercerat” nuk u gëzuan në fund të ndeshjes, pasi FC Shkupi humbi sfidën në terrenin vendas kundër Renovës me 2-3, nga anën tjetër “Ballistët” ishin dëshmitarë të fitores bindëse 4-1 ndaj Makedonija Gjorçe Petrovit në Tetovë.
Sidoqoftë, që të dy grupet e tifozëve treguan se mund të “mundin” virusin “Korona” dhe të jenë më afër me skuadrat e tyre të zemrës. (Foto: Gol.mk)
