Ronaldinho, ish-ylli i futbollit që luajti për Brazilin dhe Barcelonën që po mbahet në një burg në Paraguaj për përdorimin e një pasaporte të falsifikuar, po hetohet për krime shtesë, tha prokurori që udhëheq çështjen.
Osmar Legal nuk sqaroi se cilat ishin krimet, por i tha faqes braziliane të lajmeve Globoesporte se “ka indikacione se janë kryer krime të tjera” nga Ronaldinho dhe vëllai i tij dhe menaxheri i biznesit, Roberto Assis.
Të lartpërmendur fillimisht rrezikojnë deri gjashtë muaj burg.
Sergio Queiroz, avokati që përfaqëson të dy vëllezrit Ronaldinho dhe Assis, nuk iu përgjigj menjëherë kërkesave të Reuters për koment.
Sidoqoftë, Queiroz u tha gazetarëve në fillim të ditës se çështja e paraqitur deri më tani kishte të bënte vetëm me pasaportat e falsifikuara, dhe ai nuk pranoi të fliste për “supozime” të bëra në shtyp.
Vëllezërit u mbajtën në paraburgim të shtunën pasi u kapën duke provuar të hynin në Paraguaj duke përdorur dokumente të falsifikuara. Gjykatësi i vendosi atyre masën e paraburgimit dhe tha që ata duhet të qëndrojnë në burg ndërsa zhvillohen hetimet.
Sipas ligjit të Paraguajit, zyrtarët kanë gjashtë muaj për të përfunduar hetimin e tyre dhe Ronaldinho dhe vëllai i tij mund të mbahen në burg për tërësinë e asaj periudhe kohore. Dyshja kaluan të premten dhe të shtunën në një qeli burg me strukturë maksimale sigurie.
E diela ishte ditë vizite në burg dhe Globoesporte tha që Ronaldinho kishte mbetur brenda qelisë së tij për të shmangur vëmendjen e familjeve dhe fëmijëve që vizitonin të burgosurit e tjerë.
Ronaldinho, i cili vitin e kaluar u emërua ambasador turistik nga qeveria e ekstremit të djathtë të Brazilit, u ftua në Paraguaji nga një pronar lokal i kazinos dhe arriti të mërkurën për të marrë pjesë në një ndeshje futbolli për fëmijë dhe një shitje librash.
