Pa fund janë historitë e njerëzve që futbollin e kanë parë si rrugën e shpëtimit të tyre nga varfëria.
E tillë është edhe ajo e Erik Bailly, mbrojtësit të Manchester United, i cili zbulon rreth fëmijërisë së tij të vështirë.
“Iu bashkova Espanyolit në vitin 2011 dhe tri vite më vonë debutova me skuadrën e parë”, tregon Bailly për “Players Tribune”.
“Më pas kalova 18 muaj te Villareal dhe papritur po luaja për Manchester United. Në harkun e pesë viteve unë kalova nga duke shitur cigare në rrugët e Abixhanit (kryeqytetit ekonomik të Bregut të Fildishtë) në fushën e një prej klubeve më të mëdha në botë”.
“Jeta ime është kthyer përmbys. Tani njerëzit më shohin si një yll, një njeri i famshëm. Kam rreth 2 milionë ndjekës në Instagra dhe jam i famshëm në vendin tim”, tregoi 25-vjeçari.
