Barcelona do të bëjë ndryshime të shumta dhe kjo është rruga e duhur për të ndërtuar një skuadër të fortë dhe kompetitive.
Gazeta spanjolle “MARCA” ka shkruar se në listën e spastrimeve ka futbollistë shumë të rëndësishëm, të cilët kanë bërë histori.
Te Barcelona konsiderohen si të paprekshëm vetëm pak futbollistë: Ter Shtegen, Semedo, Lengle, De Jong, Ansu Fati, Mesi dhe Grizman.
Pra, Pike, Buskets, Alba, por edhe ata që tashmë dihen mund ta humbasin vendin e tyre në skuadrën katalanase.
Edhe Luis Suarez mund të largohet dhe klubi do të bëjë investime të tjera të rëndësishme në repartin e avancuar duke nisur nga merkatoja e këtij viti.
