Liga e Kampionëve ka zgjedhur ekipin më të mirë të vitit 2019, ku formacioni dominohet nga lojtarët e kampionëve aktual, Liverpoolit.
Mbi dy milionë votues kanë bërë zgjedhjet e tyre në faqen e Ligës së Kampionëve.
Ata kanë zgjedhur tashmë formacionin më të mirë të vitit 2019 në garën më të madhe elitare në klubeve
Liverpooli si kampion i sezonit të fundit ka plot pesë lojtare në formacion, ndërsa pas tij vjen Barcelona dhe Juventusi me nga dy dhe Bayern Munich e Manchester City me nga një.
Portieri me më shumë vota është zgjedhur Alisson Becker, ndërsa në mbrojtje gjenden bashkëlojtarët e tij: Trent Alexander-Arnold, Andy Robertson, Virgil van Dijk dhe holandezi i Juventusit, Matthijs de Ligt.
Mesfusha përbëhet nga ylli i Manchester Cityt, Kevin de Bruyne dhe ai i Barcelonës, Frenkie de Jong.
Sulmi është i mbipopulluar me Sadio Mane, Lionel Messi, Cristiano Ronaldo dhe Robert Lewandowski.
