Edhe pse situata nga pandemia e koronavirusit po qetësohet dhe futbolli ashtu sikurse cdo fushë tjetër po mundohet ti kthehet sadopak normalitetit, Premier League po i afrohet nje kaosi.
Në kohën kur po finalizohen të gjitha planet për rikthimin në fushat e blerta, klubet e Premierligës po vijnë me ide të reja, të cilat mund ta tollovisin situatën.
Një plan kontroversial për të ndaluar rënien nga liga e Premierligës duket se po gjenë përkrahje të madhe.
Raportimet e medieve britanike bëjnë të ditur se një numër skuadrash po përkrahin idenë për mos rënie nga liga.
Në mesin e këtyre skuadrave thuhet të jetë edhe ajo e Everton, që aktualisht mbanë pozitën e 12-të në tabelë.
Për të bërë këtë kërkesë të vlefshme thuhet se duhet të votojnë 14 nga 20 skuadrat që garojnë në këtë ligë.
Mbetet të shihet nëse një plan i tillë do të finalizohet. Kjo do të shkaktonte një kaos të madh, pasi Premierliga është e prerë të mos ndryshoj numrin e skuadrave, pra ta mbajë në 20.
Leeds United rrezikon të mbetet e papromovuar edhe për një tjetër sezon.
