Grupacioni për konsultime sportive Tifosy, ka publikuar një studim për shpenzimet që kanë bërë klubet italiane në pesë vitet e fundit.
Në studim janë përfshirë transferimet dhe huazimet e lojtarëve, ndërsa Juventusi kryeson me 998.3 milionë euro të shpenzuara për transferime.
Interi është në vendin e dytë me 673.2 milionë euro të shpenzuara, ndërsa Milani i treti me 620.3 milionë euro të shpenzuara.
Shpenzimet më të mëdha te Milani kanë ndodhur në verën e vitit 2017, kur në San Siro ishin transferuar emra të mëdhenj si Hakan Calhanoglu, Andre Silva, Leonardo Bonucci, Andrea Conti, Franck Kessie dhe Ricardo Rodriguez.
