Humbja ndaj Milanit, Sarri: Po luajmë në temperatura të çmendura

Maurizio Sarri as që ka dashur të ndalet gjatë për gazetarët, pas një shuplake të rëndë si ajo e djeshmja, aq më tepër duke njohur edhe karakterin disi agresiv të trajnerit të Juventusit.

Prandaj, në ato pak sekonda që i kushtoi rrjeti “DAZN”, 61-vjeçari bëri analizën e tij shkurt dhe saktë.

“Arsyeja pse skuadra u shthur? Ajo që unë mund të them është se për 60 minuta bëmë një lojë të nivelit botëror. Kishim në kontroll gjithçka, por papritur terr i plotë. Errësirë totale, pa e menduar dhe pa e kuptuar se çfarë na ndodhi në ato 10-15 minuta lojë që hodhëm në erë gjithçka.

Unë personalisht mund ta pranoj një bllokim, duke qenë se po luajmë në temperatura të çmendura dhe çdo 3 ditë, duke udhëtuar edhe shumë shpesh në transfertë. Por, vjen një moment i vështirë, si në stërvitje, ashtu sikurse gjatë ndeshjeve që duhet pranuar në këtë situatë.

Është normale që nervozizmi është i madh nga ana e të gjithëve, por t’i bësh një proces gjyqësor skuadrës, pas gjithçkaje të mirë kishim bërë deri tani, pas rifillimit të kampionatit, nuk mendoj se do t’i bënte mirë askujt”, deklaroi Sarri.


Shtuar 8.07.2020 06:54