Është mbyllur 1-1 super ndeshja e zhvilluar mbrëmjen e sotme mes Gjermanisë dhe Spanjës, e vlefshme për raundin e parë të Nations League dhe për Grupin 4 të Ligës A.
Një gol i Werner në minutën e 51-të ka kaluar në avantazh skuadrën e Low dhe, kur mendohej se Gjermania do të siguronte 3 pikët, spanjollët kanë gjetur golin e barazimit me Gaya-n në minutën e 96-të.
Grupi tani kryesohet nga Ukraina, që ka mundur 2-1 Zvicrën falë një magjie të Zinchenko-s.
Rusia ka marrë kreun e Grupit 3 të Ligës B pas fitores bindëse 3-1 të marrë kundër Serbisë. Pas rusëve, po në kuotën e 3 pikëve, vjen Hungaria, që ka mposhtur 1-0 në transfertë Turqinë.
Uellsi kryeson Grupin 4 të Ligës B falë fitores 1-0 kundër Finlandës, por ka humbur Bale, i dëmtuar në fillimin e pjesës së dytë. Ndeshja tjetër e këtij grupi, ajo mes Bullgarisë dhe Irlandës, është mbyllur 1-1.
