Nata e sotme e Champions League pritet të na dhurojë shumë emocione me dy super ndeshjet Chelsea – Bayern dhe Napoli – Barcelona, shkruan Albeu.com.
Bayern Munchen është gati të marrë hak pas asaj finaleje të humbur në 2012 dhe i ka të gjitha gjasat, pasi kundërshtari nuk është më i atij niveli.
Chelsea pritet të rreshtohet me sistemin 3-4-3 ndërsa bavarezët 4-2-3-1, formacione kto që vijnë edhe për shkak të dëmtimeve.
Për “blutë e londrës” mungojnë, Kante, Hundson-Odoi, Pulisic dhe Pedro ndërsa për “bavarezët” mungojnë, Perisic, Sule dhe Martinez.
Maja sulmit të Bayern do të udhëhiqet nga sulmuesi më i mirë i kompeticonit, Robert Lewandowski i cili ka shënuar plot 10 gola ndërsa në krahun tjetër Lampard është në dyshim mes Abraham i cili ka shënuar vetëm dy gola në Champions por mbetet një nga golashënuesit më të mirë të skuadrës së tij dhe Girund i cili shënoi në “derbi” dhe bëri një performancë shumë të mirë.
Bayern Munchen ka fituar 6 ndeshjet e fundit në champions dhe në 5 nga 6 ndeshjet ka shënuar të paktën 3 gola, ndërsa Chelsea ka shënuar të paktën 2 gola në 3 ndeshjet e fundit.
Londinezët janë të pamposhtur në 5 ndeshjet e fundit. /albeu.com/
