Futbolli po duket i shëmtuar pa tifozë. I tillë u duk edhe mbrëmë në një ndeshje ku u ballafaquan gjigantet evropian Juventus-Milan.
Edhe pse rëndësia e ndeshjes ishte e madhe (gjysmëfinalja e Kupës) ajo nuk prodhoi shumë emocione pasi u luajt pa tifozë.
Megjithatë, drejtuesit e futbollit italian kanë njoftuar se tifozët mund të rikthehen në stadiume nga data 10 korrik.
Lajmin e ka dhënë gazeta italiane “Repubblica”, e cila zbulon detaje të rëndësishme pas mbledhjes së bërë në orët e fundit nga strukturat sanitare italiane.
Sigurisht që nuk do të ketë një dyndje apo stadiume të mbushura në kapacitete maksimale që në fillim, por me kalimin e kohës do të hiqen gjitha kufizimet.
