Ka përfunduar me fitoren me rezultatin 3-1 ndeshja e luajtur në “Loni Papuçiu” mes Apolonisë së Fierit dhe Lushnjës.
Magani i dha avantazhin e përkohshëm Lushnjës, e më pas me penallti ka barazuar skuadra e Apolonisë me sulmuesin Marjo Gjata. Me barazimin 1-1 është mbyllur pjesa e parë në Fier.
Pjesa e dytë ka pasur në fushë një Apoloni më ndryshe, e ka gjetur dy gola në saj të nigerianit Ejo që ka shënuar dy herë duke parë një mbrojtje jo në lartësinë e duhur të Lushnjës.
Me këtë fitore, skuadra fierake duket në rrugë të mbarë pas disfatës që pësoi edhe Pogradeci me Besën. Javën që vjen, Apolonia luan në Pogradec, finale e parë të këtij sezoni në duelin për kreun dhe për t’u ngjitur direkt në elitë.
