Për Albin Kurtin dhe Isa Mustafën u përfol se mbrëmë kanë mbajtur takim të fshehur, i cili sipas mediave u zhvillua në villën e liderit të LDK’së në Prapashitcë.
Por as nga Vetëvendosje e as nga LDK-ja nuk dolën me ndonjë qëndrim për ti pohuar si të vërteta apo për ti mohuar krejtësisht këto deklarata.Madje zyrtarët e Lëvizjes Vetëvendosje nuk janë në dijeni aspak lidhur me një takim të tillë.
Rexhep Selimi e Haki Abazi nga Vetëvendosje i thanë GazetaBlic se ata nuk kanë njohuri nëse Kurti e Mustafa kanë zhvilluar ndonjë takim mbërmë.“Nuk e di fare, sepse unë kam qenë në pushim dhe nuk jam ndëgjuar me askënd”, tha Haki Abazi.
Përgjigje të njejtë dha edhe Rexhep Selimi, i cili tha se ai nuk di asgjë për një takim të tillë.
“Nuk kam njohuri për ndonjë takim, nuk e di nëse janë takuar”, tha Selimi për GazetaBlic.
Ditë më parë nga Vetëvendosje e LDK, thanë se një takim i mundshëm ndërmjet dy subjekteve mund të ndodhë gjatë këtij vikendi, derisa ende nuk ka diçka zyrtare.
Vetëvendosja e Lidhja Demokratike e Kosovës, kanë zhvilluar dhjetra takime nga 6 tetorit, që nga përfundimi i zgjedhjeve, por deri më tani asnjë nga takimet e tyre nuk ka përfunduar me marrëveshje finale
