Një banesë në Kavajë është përfshirë nga flakët pasditen e sotme.
Mësohet se bëhet fjalë për një apartament në katin e dytë të një pallati, në lagjen Nr.5 të qytetit.
Në momentin e rënies së zjarrit, në banesë ndodhej vetëm kryefamiljari. Ky i fundit është përpjekur që ta shuajë vetë zjarrin.
Në vendngjarje kanë ardhur menjëherë forcat zjarrëfikëse, të cilat bënë të mundur evakuuimin e tij. Shkaqet e rënies së zjarrit ndërkohë nuk dihen ende.