Kryeministri Edi Rama ka publikuar në Facebook një video të aeroplanit “Lasgushi”, i cili prej disa ditësh transporton pajisje mjekësore.
Kreu i qeverisë e cilëson aeroplanin e “Air Albania” si një hamall fantastik të luftës me të cilën po përballet vendi ynë.
“Lasgushi, hamalli fantastik i kësaj lufte, vazhdon sjell armë për mbrojtjen e jetës”, shkruan Rama krahas videos.
Këto pajisje vijnë më së shumti nga Turqia, e cila është një nga prodhueset më të mëdhaja të këtyre pajisjeve.
Ditën e djeshme qeveria ndaloi transportin e këtyre pajisjeve mjekësore, pa marrë mëparë një leje të posaçme nga autoritetet.
Ky vendim erdhi me qëllim që të plotësohen nevojat e vendit fillimisht, pasi situata është rënduar goxha edhe në Turqi.
