Rama falenderues ndaj komisionerit: Varhely ka telefonuar i pari pas tërmetit!

Kryeministri Edi Rama gjatë konferencës së përbashkët me komisionerin e BE-së për Zgjerimin Oliver Varhely u shpreh se plani ekonomik i BE-së është një mundësi e jashtëzakonshme.

Po ashtu kryeministri Rama theksoi se Varhely ka qenë një mbështetës i vendeve të Rajonit dhe i i thotë gjërat ashtu siç janë, ndërkohë që nuk nguroi që ta vlerësojë.

Deklarata e Ramës:

Do t’ju jemi mirënjohës gjithmonë. Bashkëpunimi ka dhënë fryte të veçanta dhe në të gjitha aspektet që lidhen me objektivat e përcaktuara nga Komisioni për çuarjen para të agjendës së integrimit.

Ne kemi vazhduar dhe do të shkojmë para në bindje të plotë që duhet ti bëjmë të gjitha këto Reformën në Drejtësi, përsosjen e administratës publike dhe të tjera, jo se na i kërkon Brukseli, por sepse është obligimi ynë ndaj fëmijëve tanë.

Plani i ri ekonomik është një mundësi e jashtëzakonshme e re, që krijohet nga Komisioni i ri Europian që ka ardhur me një qasje të re dhe po implementon një politike të re në rajon.

Ky plan është një prove konkrete e prekshme e shumë arsyeve të mira dhe një bindje e madhe që qëndron në vizionin e Shengenit Rajonal.

Vizioni i një rajoni ku zhvillimi përmes bashkëpunimit është e vetmja rrugë për të dalë në një tjetër hapësirë dhe për ti lënë gjeneratave të tjera një rajon shumë më të mirë.

Në plan ka shumë aspekte, por ai kryesori është që do na ndihmojë të integrohemi gradualisht me tregun europian.

Së fundi dua që të kujtoj se Komisioneri Europian nuk ka qenë për të na ngushëlluar në momente të tragjedisë, nuk kanë qenë me ne kur falë tyre u thirr një konferencë e paharrueshme për Shqipërinë solidariteti, nuk kanë qenë këtu as vetëm përmes Komisionit për të vazhduar implementimin e programit të rindërtimit, por megjithëse COVID-i i goditi të gjithë, Komisioneri ka qenë telefonata e parë nga jashtë, nga BE për të më garantuar që Komisioni do të jetë pranë Shqipërisë dhe rajonit pavarësisht vështirësive që ka pasur.

Jemi në një moment kur marrëdhëniet me Komisionin kanë një konkretësi shumë të madhe.Shqiptarëve mund tu themi me plot gojën se rruga e ardhshme nuk është thjeshtë rruga për hapat në Reforma por është rruga e dnërtimit të gjithë rrejtit lidhës të rajonit, me rrugë, me rrjete digjitale.