Partia Demokratike ka kërkuar nga Rama sqarim për situatën aktuale në vend dhe gjithashtu shtimine fondeve për tampone.
Dr. Mirela Tabaku i ka kërkuar kryeministrit Edi Rama të shtojë fondet për tampone, për kite të bërjes së testeve dhe për setet mbrojtëse për stafet mjekësore.
“Sipas njoftimit zyrtar te Ministrisë se Shëndetësisë, ne 24 oret e fundit janë testuar vetëm 27 persona te dyshuar ndërkohë qe vetëm me kodin “korona” kane qene 4468.
Numri i personave qe paraqesin ankesa rritet, numri i te testuarve pakësohet. Çfare po ndodh Mungojne tamponet, mungojnë kitet për t’i analizuar me pas mostrat qe merren?
Duhet nxituar, mosveprimi do të ishte një gabim me pasoja te renda. Rama duhet qe nga zyra e tij e punes te sqaroje urgjentisht situaten, te shtoje fondet per tampone, fondet per kite te berjes se testeve, fondet per gjithe setet mbrojtese per stafet mjekesore. Fakti qe vetem ne 4 rastet e fundit, 2 jane personel shendetesor, tregon mungesen e marrjes se masave qe ne kemi kerkuar me kohe.
Duhet bere gjithçka dhe sebashku! Duhet bere çdo gjë sa me pare dhe sa me efikase. Heronjtë tanë te sotëm nuk duhen lene te luftojne vetëm me shpirtrat, trupat e mendjet e tyre.”, tha ajo. /albeu.com/
