Ditën e sotme, operacionit Forca e Ligjit ka nxjerrë emrat e dy personave të tjerë të cilët i shtohen listës për deklarimin e pasurisë.
Janë pikërisht Suel Çelës dhe Plarent Dervishajt ata që kanë marrë shkresën nga OFL.
Emrat e sipërpërmendur kanë plot 48 orë të konfirmojnë se pasurinë e kanë vënë në mënyrë të ligjshme.
Kush është Plarent Dervishaj?
Plarent Dervishaj ose i njohur ndryshesi kunati i kreut të bandës së Durrësit, Lulzim Berisha dhe thirret gjerësisht si “Lenti”.
Emri i Dervishit u përmend dhe më herët në rastin e atentatit ndaj prokurorit Arjan Ndoja, ku ai u thirr për të dëshmuar, ndërsa prej vitesh ai ka qenë ndër më të kërkuarit në Interpol.
Plarent Dervishaj ka lënë qelitë në vitin 2017 pas vendimit të Gjykatës së Lartë. Dervishaj ka qenë i dënuar me burg përjetë në mungesë për vrasjen e Arsel Sotiri, Ilir Nelaj, Agim Rexhepi, Dritan Sallaku dhe Dritan Disha por ky dënim u rrëzua në Gjykatën e Lartë dhe rigjykimi në Apelin e Krimeve të Rënda i dha atij pafajësi.
Nga ajo kohë Plarent Dervishaj është në liri ndërsa më herët, në qershor të vitit 2019 ka rënë pre e një atentati me armë zjarri duke marrë një plumb në këmbë./albeu.com
