Presidenti i vendit Ilir Meta ka reaguar sërish lidhur me miratimin për ndryshimin e Kodit Zgjedhor.
Sipas Metës, populli shqiptar do të jetë në lartësinë që e kërkon detyra, dhe në 25 Prill do ndëshkojë me votë këtë qeverisje.
“Ky mur do shembet nga tre milion shqiptarë në 25 Prill, por edhe më parë nëse është e domosdoshme”, shprehet Meta.
Reagimi
Shkatërrimi brutal i Marrëveshjes së 5 Qershorit ishte vetëdemaskimi i “Rilindjes” si përfaqësuese e pakicës së pakicës apo thjesht oligarkisë dhe bandave.
Populli shqiptar do të jetë në lartësinë që e kërkon ky moment historik për rrëzimin e murit kriminal të “Rilindjes” që është vendosur nga dje në rrugën e integrimit europian.
Ky mur do shembet nga tre milion shqiptarë në 25 Prill, por edhe më parë nëse është e domosdoshme.
Shqipëria e Para! Shqipëria si gjithë Europa!
