Kancelarja gjermane Merkel vazhdon të jetë pozitive ndaj hapjes së negociatave me Shqipërinë.
Këtë herë ajo ka bërë deklaratën shpresëhdënëse se do të dëshironte hapjen e negociatave në mars.
‘Mbi të gjitha, ne duam të arrihet një marrëveshje në mbledhjen e ardhshme të Këshillit Europian për hapjen e negociatave për Shqipërinë dhe Maqedoninë e Veriut. Të dyja vendet kanë arritur shumë. Ne do të punojmë tani që këto arritje të marrin meritën e tyre me një rezultat në mars’- tha Merkel.
Sot Merkel dhe Rama takohen në Berlin për të diskutuar për Konferencën e Donatorëve e cila mbahet më 17 shkurt në Berlin, që Shqipëria të përfitojë donacione për të mbuluar dëmet e shkaktuara nga tërmeti i 26 nëntorit. Fatura kap shifrën e 1 miliard eurove sipas kryeministrit Rama. /albeu.com/
